Igande honetan amaitu da, behin betiko, "Meet Basque Country 2023", asteburuan zehar ezagutza-bidaia egin ondoren. Bidaia horretan nazioarteko hogei bat turoperadorek hartu dute parte. Tolosa, Ordizia, Astigarraga, Enkarterri, Bilbo edo Getxo izan dira bisitatutako tokietako batzuk.

Hirugarren edizio honek asko eman du: 17 merkatu, 60 turoperadore, 144 euskal enpresa, 6 famtrip tematiko eta orotariko 1, 1.200 bilera, 3 ekitaldi. Eta, garrantzitsuena, operadoreak zapore onarekin joan dira, bai negozio-itxaropen onengatik, bai helmugak onerako harritu dituelako.

Halaber, egunotan eurekin bildu diren euskal enpresek, ostiralean Bilbon egindako workshop-ean ez ezik, ondorengo hitzorduetan ere, negozio-itxaropen onak aurreikusten dituzte.

Gogora dezagun astelehenean 17 merkatutatik zetozen operadoreak iritsi zirela Euskadira: Espainia, UK, Alemania, Portugal, Belgika, Herbehereak, Danimarka, Irlanda, Italia, Finlandia, Suedia, Polonia, Maroko, Japonia, Argentina, Brasil, AEB. Astebetez, aipatutako workshop-ean parte hartzeaz gain, guztiek aldi bereko bidaiak egin dituzte, MICEn, touring-ean, gastronomian, naturan, confidential-ean (premium) eta zikloturismoan espezializatutako taldeen bidez.

Beren jatorrizko herrialdeetan merkaturatuko duten ezinbesteko esperientzia turistikoa.