Johan Ölberg kazetari eta argazkilari freelance suediarrak gaur arratsaldean amaituko du Euskadiko bidaia, eta helmugan astebete inguru eman ondoren, ibilbideari buruzko artikulu luze bat argitaratuko du “Expressen” izen handiko aldizkariaren bidaia-gehigarrian, 3,5 milioi irakurlerekin.

Ölbergek Donostia eta Bilbo hiriak eta bertako eskaintza gastronomikoa bisitatu ditu batez ere.

Suediako merkatuaren ezaugarri nagusiak erosteko ahalmen handia eta helmugan egiten duen batez besteko gastua dira, baita city breaks, gastronomia eta Donejakue bideko produktuekiko duten interesa ere.

Bidaia Bilbo eta Donostia Turismo Bulegoen laguntzarekin egin da, baita Stockholmeko OETaren laguntzarekin ere.