Web gune honek cookieak erabiltzen ditu, propioak eta beste batzurenak. Gure cookien politikari buruz gehiago irakurri dezakezu.

  •   FITUR 2023

Gaur, azken egun profesionala FITURen

Asteburuan, Euskadiko erakustokiak Madrilgo bisitariak hartuko ditu, hiru eguneko lanaren ondoren.

1 / 7

FITURen, gaur turismoaren profesionalei eskainitako azokaren azken eguna da. Bertan, Euskadiren standa, hirugarren egunez, aurkezpenen agertoki izango da.

 

Aurreko egun gogorren ondoren, ekitaldi eta bilerez beteta, gaur goizean Arabako TOP esperientziak, Tolosa azoka gastronomikoen helmuga gisa eta Santurtzi eta Serantes mendiko baliabide turistikoak aurkeztuko dira: bisita gidatuak gotorlekuetara, bisita egokituak, biodibertsitate bisitak, Nordic Walking Zentroa.

 

Tolosako azoken artean, “Esneki” azaroaren 2tik 4ra izango dena aurkeztuko da eta 1. edizioko gazta irabazlea dastatzeko aukera izango da, beste kategoria batzuetako beste 1 edo 2 gaztarekin batera.

 

Goizean, berriz, hitzorduek eta bilera profesionalek jarraituko dute lan-eremuan, eta azokara joan diren ehun euskal enpresek agur esango dute gaur eguerdian.

 

Emanaldien asteburua

Asteburuan madrildarren txanda izango da, eta FITURera joango dira, gustukoen dituzten helmugetako berriak ezagutzeko asmoz, besteak beste, Euskadi.

 

Eusko Jaurlaritzaren standak egun osoan eta igande goizean eskainiko ditu antzerki parte-hartzailearen emanaldiak, Hortzmuga taldearekin; euskal dantzarenak, Aukeran taldearekin; eta sagardo eta Idiazabal gazta dastaketak, baita Arabako Errioxako ardo eta olio dastaketak ere, Guardiatik zuzenean.

 

“Txakomic” jaialdia ere aurkeztuko da: Txakolina eta Komikia, txakolinarekin egindako pintura tailerrekin eta Bizkaiko 3 txakolin motaren dastaketarekin.

 

 Aurten ere, “pintxo-pote” solidarioa ospatuko da.

 

 

 

Otsaila 2024

AL AR AZ OG OR LR IG
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29