• EZAGUTZA-BIDAIAK
Bidaia-agentzia italiar baten goi-mailako bezeroak Euskadira etorri dira
Erromako "Travel Design" bidaia-agentziak gonbidatuta, Euskadin barrena abiatuko dira 4 egunetan. Bidaiari italiarrak pozik agertzen dira Euskadira egindako bidaiekin.
“Travel Design” bidaia-agentzia baten goi-mailako 10 bezero Euskadira etorri dira Buzz Spain hartzaileak, aipatutako agentziarekin antolatutako 4 eguneko bidaian. Basquetour-ek proposatutako bidaiaren antolaketan Bilbao Turismok, Vitoria-Gasteizek eta Arabako Errioxako Ardoaren Ibilbideak lagundu dute.
Bidaia larunbatean hasi zen eta asteburuan Bilbon garatu da, non bidaiari italiarrek hiriko baliabiderik aipagarrienak eta gastronomia ezagutu dituzten. Gaur, astelehena, Euskal kostaldera eta Gernikara joango dira eta, ondoren, Arabako Errioxara, Laguardia eta upategiren bat bisitatzeko eta bertako gastronomia dastatzeko asmoarekin.
Bihar, asteartea, Gasteizera joango dira eta betan bukatuko da bidaia.
Buzz Spain hartzaileak gero eta gehiago sartzen du Euskadi bere programetan, gure helmugara etortzen diren italiarrak oso pozik azaltzen direlako izandako esperientziarekin.
